CLICK HERE FOR THOUSANDS OF FREE BLOGGER TEMPLATES »

الجمعة، 12 سبتمبر 2008

العين الثالثة

انا كلش مو من هواة التصوير ولا من النوع اللي يتذوق الصور ابدا ..
بس الله رزقني باخو يعشق التصوير من صغره الى ان اصبح الان واحد من الناس اللي يقدمون دروس ودورات بالتصوير .. وبمااني انا اخوه الصغير فكانت بعض التجارب تبدي فيني وبعدين يجربها على الشغلات الثانية ..
وبما ان هو الحين قاعد يدرس بامريكا .. وانا صج اشتقت له .. قلت خلني اتذكره بمجموعه من صوره .. 
هذي صورة صورها وعلى قولته كلفتني كشته بمحاضرت يوم كامل .. صج صج حلوه .. وايد قالوا له نبي نشتريها منك بس هو مارضى ..


هذولي اليهال اتراك ومايصيرون لنا .. بس هالصوره هو وايد يحبها .. ليش لاتسالوني لاني ماتذوق الصور :) 

هذي الصوره انا وايد احبها .. وهو قبل لايسافر طبعها بحجم كبير وعطاني اياها :)

هذي صورة صورها بالمركز العلمي ..

هذي هو حده يحبها .. يقولي فيها نظرة فنية .. كيفه هو عاجبته :) 


مشاهدة ممتعة 

وقبل لااخلص .. هو وايد يحب هالمقطع .. 


19 التعليقات:

Manal يقول...

ما شاء الله عليه

ربي يحفظكم لبعض

ويوفقكم
:)

صور جميلة جدا

ان شاء الله يرجع لكم بالسلامة
وتعلم منه فن التصوير

:)

حسام بن ضرار يقول...

عدسة اخوك راقيه

و بالمناسبه الاخ ka4 انا متابع اعماله من زمان من ضمن المصورين الكويتيين اللي اتابعهم

الله يوفقه و يرجعه بالسلامه لكم شايل الشهادة

و مشكور على هاللقطات الحلوه

غير معرف يقول...

ماشاءالله

الله يوفقة ويوفقك

ودمتم بخير وسلام

شقران يقول...

العزيز ملوك


من جد الصور جميلة بالحيل


وصورة الشايب اللي قاعد على الكرسي روعة ومعبرة


ربي يحفظه لكم ويرده بالسلامة




تحياتي لك

Kuwait يقول...

الله يخليه لك ويخليك له ويرده بالسلامه :)
الصور حدها روووووووعه ..
ما شاء الله عليه ..
أنا إشكثر يبيلي عشان أصير مثله ؟ ;q

أبو لطيف يقول...

ما شاء الله لاقوة الا بالله

صور روعة ...

اخيك يجعل الصور ناطقة

عسى الله يحفظكم ويخليكم لبعض
ويبلغكم بكل الخير ويبعد عنكم الشر

-mate يقول...

يا أخي رووووووعة، ماشالله ماشالله الصور كلها حلوة. يعني قاعد أدور وحدة عادية ماكو!
ولا صور ديزني إبدااع، جنها جرافيكس او ديزاين ما جنها صورة صجية.
سلم عليه وإذا بسوي دوره قولي :)

q8-analyst يقول...

هلا ملوك
بصراحة اخوك عليه نظره ثاقبة في اختيار اللقطات
الله يحفظه ويحميه من كل عين
وسلملي عليه

Sn3a يقول...

اخووك تصويرره عجييييييب!!!!
ماشاءالله عليه

يعطيك العافيه

mo3ath يقول...

الله يرده بالسلامة ان شالله وتقر عينك بشوفته

ماشالله عليه فنان ، الله يحفظه

مايبيع صوره الابراج لووووووول؟

molok يقول...

manal ..
مشكوره ..
والله جدا جميلة الصور ..
آمين يارب .. بس اتعلم مااتوقع لان شي كلش مو مودي :)

مشكوره عالمرور ..

==============
حسام ..

يالله ان شاء الله تكون المتابعة علمتك جزء من التصوير :)
يوفق الجميع .. آمين يارب

انت اللي مشكور عالمتابعة

==============
لاتحب الانظار ..

يوفق الجميع ..
مشكوره عالمرور

molok يقول...

شقران ..
مشاهده ممتعة :)

يعني انت عندك نفس النظره الفنية اللي عند اخوي :)

آمين ويحفظ الجميع ..
مشكور وايد عالمرور

=============
كويت ..
آمين ومشكوره ..
عليج بالعافيه ومشاهده ممتعه :)

تبين الصج ولا ولد عمه ..
ولد عمه .. تصويرج مثل تصويره :)

مشكوره عالمرور :)

molok يقول...

ابولطيف ..
مشكور وايد ..
والله صج تصويره معبر :)

آمين يارب .. ومشكور وايد عالمرور ..

==============
mate ..
مشكور طال عمرك ..هذا اللي يتخصص بمجال يصير جذي ..
صج صور ديزني حدهم حلوين .. وصج تعبان عليهم ..

يبلغ ، وترى هو يسوى ومذكرة دورته موجوده عالنت ..

molok يقول...

المحلل ..
هلا فيك ..
اختيار الزوايا شي صعب .. وهو اختياره وايد ممتاز ..
آمين يارب .. يبلغ ان شاء الله ..

=============
sn3a ..
مشكوره وايد ..
الله يعافيج ..

=============
معاذ ..
آمين يارب ..
قدم لي عرض سعر .. واشوف اذا كان مناسب ولا لا ..

مشكور عالمرور :)

someone_q8 يقول...

السلام عليكم
تبارك الرحمن ما شاء الله اخوك حده مزاجه صعب و ذووق
عسى الله يخليه لك و يسهل دربه بكل مكان

مستعدة يقول...

ماشاء الله .. احترت في إختيار أحلى لقطة ..

مع إني أحب التصوير بس لقيت نفسي أبدع بوايد أشياء أهم بالنسبة لي عن التصوير وقلت إن لكل شي ناسه..

وهم وايد أحب أشوف الصور!
أحس صج كل صورة تعبر عن الشخص اللي ملتقطها..
خاصة إذا دشيت فلكر الوقت يمر بدون لا أحس! وبالنسبة لي أعتبر هواية إني أشوف الصور طريقة أنمي فيها تفكيري من ناحية إني ما أشوف الشي من زاوية وحدة..

النشيدة حلوة أول مرة أسمعها..
وشكرا عالموضوع :)

molok يقول...

someone ..
وعليكم السلام ..
والله تقدر تقول مزاجه صعب شوي ..
آمين يارب .. مشكور وايد ..

===========
مستعده ..
فعلا لكل واحد مجاله ..
رؤية الصور تعلم وايد شغلات .. منها اللي تفضلتي فيه وهو ان تطالع الموضوع من اكثر من زاوية ..

مشكوره عالمرور

غير معرف يقول...



بو عمره ::

قعدت أتذكر وأحسب التجارب اللي سويتها عليك .. اكتشفت انها أكثر بوايد من اللي كنت متوقعه ..

وايد لقطات لها ذكريات .. بس الشي اللي لما ذكرته ضحكت عليه وايد : أول فلم صورته بحياتي .. كان نصه صورك مع مشاري وبورزيقه بالمدينة الترفيهية .. روح شوف الصور بأرشيفي بالسرداب واضحك P=

قعدت أشوف صورة الأبراج وأتذكر ذاك اليوم .. كان عندي محاضرة محاسبة ومحاضرة ثانية ما اذكر شنو كانت .. من طلعت من البيت وشفت الغيوم قلت اليوم مو يوم دراسة .. وصورت أكثر من صورة عند البيوت القديمة بشرق وبسوق شرق وعند الأبراج .. بس كانت أميز صورة هالصورة اللي انت حاطها .. والله أيام حلوة .. الحين صج فقدت التصوير مع زحمة الدراسة والتقديم عالجامعات .. بس إن شالله بطلع حرتي السنة الياية .. انت ضبط إجازتك ونسافر أحلى سفرة وأضبطك بالصور =)

عسى الله لا يحرمني منك وعساه يجمعنا عالخير بأقرب وقت (f)


وحق كل اللي ردو : مشكورين على دعواتكم وكلامكم الطيب .. والله لا يحرمكم من أحبابكم =)



..:: خالد ::..

molok يقول...

هلا خالد ..
هالفيلم شلون انساه .. كان وايد قوي .. خصوصا الصورة اللي على الديرفه الخشب اللي مشاري كان منقلب ..

أكثر شي اذكره من التجارب .. مره بالعشر الاواخر قعدتني حق المدرسه وقلت لي ابي اجرب اصور ليك صورة قبل ماتطلع .. كان كلش مو وقته ..

وطبعا اكبر تجربه يوم صورتني بالحر عند الخرابه اللي يم ارض المعارض .. هذي الصوره اللي صج شقيتني فيها :)

مثل مااتفقنا على شهر 5 ان شاء الله تكون اجازتنا :)

موفق