تحديث في الاسفل ===========================اليوم قاعد اسولف مع رفيجي برحلة دبي ، جان يقولي تعرف جزيرة بورا بورا .. قلت له لا والله ماأعرفها .. قالي شوفها بقوقل ..
دشيت وشفتها ياجماعة .. باختصار .. هذا الشي مو على نفس الارض اللي احنا عايشين عليها .. جنة صج ..
ماراح اطول عليكم وايد بالحجي بخليكم مع الصور ..
بورابورا جزيره تقع في قلب المنطقه الجنوبيه الشرقيه من المحيط الهادي بين قارتي أمريكا الشماليه والجنوبيه ’.اللغات الرسميه :الفرنسية والبولينزيه ولغات أخرى مختلفه .الطقس :الشتاء عندهم من شهرماي الى نوفمبرالصيف من شهر ديسمبر إلى ابريل نسبة الرطوبة عندهم 75 الى 80تشتهر بوجود : حبوب اللؤللؤ الأسود النادر فيها .أكبرالجزر فيها : جزيره اسمها تاهيتي وهي عبارة عن عدة جزر من ضمنها جزيرة بورا بورا .
المشكلة هي بالوصول لها .. تقريبا ياخذ منك الطريج 39 ساعة .. يوم دشيت باشوف اسعار التذاكر .. ولا هي بحدود 2000 دينار ..
تحديث مهم :
بعد البحث والتحري طلعت التذاكر تقريبا ب١٠٠٠ دينار .. ولايزال البحث جاري :)
22 التعليقات:
ياي قبل رمضان بيومين تقول جزيره وجنه لووووووول عور قلبي اكثر وخصوصا اني ماسافرت لظروف الدراسه :)
بس 2000 انزين وحجز الشاليهات وعدة الغوص والذي منه ؟
والي يعافيك عطنا المعلومات كامله خل نكسر حساباتنا ان شالله سنه 2012 :q
اييي عوار قلب :)
2000 دينار؟
اقول يا حلات الهاف مون و فندق شاطئ الخفجي بس
المايه هناك عسل!
يمدي ؟
http://www.youtube.com/watch?v=l0ByFuHOQRk
39 sa3a ..
bark fek al rab
معاذ ..
مو هي ماطلعت معاي الابهالوقت ..
لا في تحديث يديد .. تطلع تقريبا الف ..
اسعار الفنادق يقولون معقوله ..
لا ان اشاء الله يمدي قبلها .. :)
=============
حسام
في تحديث عالعر .. تقريبا الف ..
وسلملي عالهاف مون :)
بولطيف ..
اي حده يمدي ..
وبعدين ليش تعور قلوبنا زيادة بالفيديو .. انا كنت قايل ماراح احط ..
عموما مشكور ..
------------
حمني .. ٣٩ هذي اقصر رحلة :)
والله شغل عدل ^_^..
الصور مو طبيعية ما شاء الله..
الله يرزق لنا روحة ان شاء الله .. :)
شفتها بايميل
صراحه روعه سبحان من خلقها وعمرها
بس 39 ساعه ويييع
انا لين استراليا بجيت بالطياره من الزهقه
نطالع لين نشبع ماله داعي نروحلها لول
الا اذا كنا بالاساس بامريكا
تسوى تروحلها
يسلمو
مستعدة ..
الصور تبين انها حدها حلوة .. الله يرزق الجميع ..
===========
سنعة ..
وايد روعة .. هي من استراليا ١٧ ساعة .. يعني حده الطريج طويل :)
يا سلام
هذي عيل رحلة الاحلام
:)
جمع لها وان شاء الله تقدر
:)
وايد حلوة الجزيرة ما شاء الله
سبحان الخالق
اللي عزم يروح ويبي مترجم بوري بوري
ترى انا حاضر
بس الحجز قبل فترة كافية لان في زحمة عليّ
14 ساعه لما أمريكا طقت جبدي هالمره 39 ساعه شسوي بعمري انتحر احسن :\
بس والله من زمان وهالمكان مشوقني ..
حتى سيشل عجيييييييبه :)
مشالله عليك يا ملوك
شكلك تحب الجزر
موريشيوس والحين بورا بورا
قاعد تشيشني اروح
انا من رايي تسوى 1000
على هالطبيعة والبحر الصافي
ليش ما تصير التذكرة ب1000
مشكور يا ملوك وامتعا ببوستاتك الروعة
منال ..
والله التخطيط لها على قدم وساق .. بس الله كريم ..
===========
بولطيف ..
يمدي احجز حق ٢٠١٥ ؟
===========
كويت ..
بس اعتقد ان الجزيره تسوى هالطريج ..
يالله شدي حيلج وان شاء الله تروحين ..
===========
محلل ..
كابتن هذا بحر .. يعني شوف وتمتع ..
والله انا اقول انها صج تستاهل ..
الشكر موصول لك على مرورك ..
تبارك الرحمن تهبل
ربنا يوعدنا بزيارتها :)
تسلم ع المعلومات
قلب طفله ..
الله يرزقنا ويرزق الجميع ان شاء الله زيارتها :)
مشكوره على المرور ..
مبارك عليك الشهر و كل عام و انت و العائلة الكريمه بألف خير
مبارك عليكم الشهر
:)
مبارك عليك الشهر و كل عام و انت والاهل بصحه و عافيه
العزيز ملوك
مبارك عليك الشهر وعساك من عواده
وحقيقة لقد ادهشتني هذه الصور الخاصة بجزيرة بورا بورا لروعتها
فهي اشبه بصور خيالية
ولكنها بعيدة للغاية..وانا حدي بالطيارة من ست ساعات ونازل...ما أروح بعيد بعد تجربتي بالطائرة الى مدينة جاكرتا!؟
مع اطيب الاماني يالغالي
شوف اول شي انا خبري فيك صاك المدونة يعني تفتح ولا تتكلم صعبه
المهم
مبارك عليك الشهر و كل عام و انت بخير
حسام ..
علينا وعليك .. ويعود على الكل بخير وصحه وعافية .. :)
==========
حموددي ..
علينا وعليك .. مشكور ماقصرت ..
==========
صبا ..
مشكوره وعلينا وعليج وعلى كل الامه الاسلامية ..
==========
شقران ..
علينا وعليك مشكور طال عمرك ..
والله انا نفسك من النوع اللي مااحب ركوب الطيارة لمدة طويلة .. بس الشكل يقول لازم تروح تشوف هالشي على ارض الواقع .. الله كريم ..
==========
إنتر كويت ..
مامداني افتح مدونتي عشان اسكرها طال عمرك .. توني يديد ..
علينا وعليك وانت بخير وصحه وسلامة ..
ومشكور على هالمرور ولاتحرمنا :)
إرسال تعليق