لأول مره من بدت الازمه الماليه احس بالاحباط .. وانها صج ازمه ماليه .. يعني الله يستر .. ومثل ماان بنك الخليج هو اول ضحية .. فقريبا جدا في ضحية ثانية .. والله يستر من اللي بعده ..
بعدين الحين شنو باقي بالديره .. بنك وفلس .. واقتصاد منهار .. ورياضه وجمدوا اتحادنا .. وآخر شي يا احمد المليفي وعفسها اكثر بتقديم استجواب بهالفترة .. يعني الله يستر صج ..
انا هني موقاعد انتقد الاستجواب بذاته .. وهو حق دستوري له .. بس اعتقد ان الوقت وايد سيء حق تقديم الاستجواب ..
عموما .. اللي حصله مكان زين حق الهجره خل يقول لنا .. عشان يمدينا نلحق قبل الزحمة ..
وأزم يا مأزم ..
بعدين الحين شنو باقي بالديره .. بنك وفلس .. واقتصاد منهار .. ورياضه وجمدوا اتحادنا .. وآخر شي يا احمد المليفي وعفسها اكثر بتقديم استجواب بهالفترة .. يعني الله يستر صج ..
انا هني موقاعد انتقد الاستجواب بذاته .. وهو حق دستوري له .. بس اعتقد ان الوقت وايد سيء حق تقديم الاستجواب ..
عموما .. اللي حصله مكان زين حق الهجره خل يقول لنا .. عشان يمدينا نلحق قبل الزحمة ..
وأزم يا مأزم ..
13 التعليقات:
ازمها
ما هديناها بالرخا عشان انهدها بالشده ياخوك
يا جبل ما يهزك ريح
اقضب ارضك واستريح
والله المستعان
العزيز دوار شيراتون
الدواء مر
لكن خلنا نكون واقعيين
انا اشوف الاستجواب هذا دواء
بذمتك انت راضي على اداء هالحكومة و رئيس وزرائها
الدواء مر لكن لازم نشربه
و مثل ما قال بو لطيف
اقضب ارضك
ياخوي اجل احنا شنو نقول اللي عندنا عيال
ملوك انا من زمان في بالي سالفة الهجرة
وجاري البحث عن مكان
اذا حصلت على طول راح اقولك
واذا انت حصلت لا تبخل على اخوانك
والله يااخوي انا بعد ضايق خلقي
من صج احس اشياء ورا بعض
الله يسهل هالأمور
ديرتنا حلوه بكل شي بس تدري مرات افكر ليش احنا جذي واكتشفت انه الخلل من الداخل فينا ولازم انغيره .
وحاول تنسي وكل شي بيتعدل ان شاءالله
:)
أزمها يا مأزم ..
حقوق الطبع غير محفوظة للتأزيم :P
لا تيـأس وانا اخوك ..
مهندسنا ..
يامأزم :)
أكيد مانهدها .. ولا يصير مافينا خير ..
ابولطيف ..
الله كريم .. وان شاء الله شده وتزول ..
بووليد ..
مافي دوا حلو .. وابدا اداء الحكومه موعاجبني كلش .. بس انا عتراضي على وقت تقديم الاستجواب .. يعني الوضع مو مستقر .. إنطر شوي .. وخل يتعدل الوضع شوي .. وتشوف الكل واقف معاك ..
المحلل ..
شوف لك جزر الواق واق ولا جزر كناري .. شي طبيعته حلوه ومافيه لا سياسه ولاعماة عين ..
نور ..
ان شاء الله شدة وتزول .. الله كريم ..
ديرتنا وايد حلوة .. واكيد مافي مكان احسن منها .. بس نتمنى ان تصير احسن بوايد ..
أزيولايك ..
مع الاعتذار لصاحب الحقوق .. أزمها يامأزم ..
الله كريم .. وان شاء الله ترد درة الخليج ..
ياغالي و الله مو سالفة وقت
يا عمي
تكفى جواب واحد لأرتوي فعلا من عطش الحقيقة
هل هذه الحكومة قادره على ادارة الازمة الحالية
الكل متفق انها ماميش
اجل وجودها اخطر من بقائها لأن وجودها سيزيد المشكله
طال عمرك .. الموضوع بالنسبة لي اكيد ان محد راح يقدر يحل الازمه (المالية ) غير لجنة يكون فيها المحافظ وجاسم السعدون ويوسف الابراهيم .. ومعاهم 3 أو 4 .. غير جذي لو يحطون نابليون ماراح تنحل :)
بس اعتقد ان الوقت الحين مو وقت استجواب .. كلش ..
أنا معاك بس
إقضب أرضك واناخوك :)
البحرين
ما وظيفة لطيفة. أنا حقا أحب قراءة هذه الأنواع أو المقالات. هل يمكنني ذلك؟ تي ان ننتظر لنرى ما يقول البعض الآخر.
إرسال تعليق