السلام عليكم اشلونكم وشخباركم ..
اول شي اليوم الفير رزقت اختي بمولودة جعلها الله من الذرية الصالحة .. قولوا آمين .
ثاني شي أمس شفتوا برشلونة شنو سووا ببايرن ميونخ .. الصراحة اللعب والوضع كان مستحيل جدا ..
ثالث شي .. الليلة ان شاء الله مسافر رايح باريس وراح اكون في ضيافة د.نذير حكيم وباحضر مؤتمر اتحاد المنظمات الاسلامية هناك ..
آخر شي .. وايد ناس قالوا لي ان الخلفية مالت البلوق تعور العين ، او انها تحتاج تغيير .. فاشرايكم انتوا صج تحتاج تغيير ؟
وشكرا
8 التعليقات:
ميسي وهنري ...
غزل بالملعب
بس بايرن ترا نجومه مالعبوا على الاقل كلوزه
وعلى البركه الافي:)
مبروك ماجاكم، تتربي إبعزكم إن شاالله
:)
---------
مع إني محايد، بس كنت أتمنى فوز البايرن لسبب واحد فقط: أن لوكاتوني أعلن أنه سيمشي زلط - ملط، إن أخذوا الشامبيونز
وإن فوزكم هذا، منعتونا من هذا الخبر السعيد
--------
بالسلامةأخي العزيز، وروح جز بالشانزيليزيه ما إنوصيك
:)
أما الطوفة اللي حاطها، فهذه تدل على السد المنيع بوجوه الأعداء .. خلها لا إتغيرها ..
تحياااااااااااااتي
وعليكم السلام والرحمة
مبروك المولودة والله يجعلها من الذرية الصالحة
:)
وان شاء الله سفرة سعيدة وموفقة
:)
ترد بالسلامة
الحمد لله على السلامة ومبروك ماياكم إن شاء الله..
موضوع الخلفية أراها مميزة ولا تشكل أي مشلكة بالنسبة لي..
أما بالنسبة للمؤتمر فشوقتنا عنه.. بانتظار ال feedback ..
:)
حفظكم الله ..
الغالي ملوك
مساء الورد يالحبيب
:)
مبرووووك اللافي...وربي يحفظه لأهله
:)
والبرشا أكل البايرن كبطاطا مقرمشة
:))
لكن للأمانة ماتوقعت هذه النتيجة الكاسحة خصوصا وإن البايرن هالسنة قدم أداء قوي بفضل نجومه وعلى رأسهم ريبيري وكلوزه وبودلسكي...!؟
ونتمني لك التوفيق في رحلتك الباريسية ولقاء الدكتور والمؤتمر
:)
تقبل مني أجمل التحايا وأرّقها
ربي يجعلها من الذريه الصالحة
بانتظار اخبار المؤتمر بشدة
وبالمناسبه ... صج الخلفية مو مريحة
للعين
تروح وترد بالسلامة
مبروك المولوده تتربى بعزكم ان شاء الله
الخلفيه لو تخليها ساده اريح للقراء
وتروح وترجع بالسلامه
إرسال تعليق